اسلامی جمہوریہ ایران کے وزیر مواصلات و انفارمیشن ٹیکنالوجی محمود واعظی کی موجودگی میں اس منصوبے کا افتتاح کیا گیا۔ اس منصوبے کا مقصد دور افتادہ اور خاص علاقوں کو کم سے کم وقت میں مواصلات کی سہولیات آسانی کے ساتھ فراہم کرنا ہے۔ طے شدہ مقامات پر سیٹلائٹ ٹرمینلوں کی تنصیب اور ان کے افتتاح کے بعد ایران کے اندر اور باہر ہر جگہ اس سیٹلائٹ کے ذریعے مواصلاتی رابطہ ممکن ہو جائے گا۔ اسلامی جمہوریہ ایران کا یہ سیٹلائٹ زمین کے دو تہائی سے زیادہ حصے کو اپنی سروسز فراہم کرنے کی صلاحیت رکھتا ہے۔