پاکستانی میڈیا کی رپورٹوں کے مطابق پاکستان کے قبائلی علاقے شمالی وزیرستان کی تحصیل شوال میں دہشت گردوں کے خلاف فوج کا زمینی آپریشن جاری ہے۔ پاکستانی فوج اور دہشت گردوں کے درمیان تازہ ترین لڑائی میں چھ دہشت گرد ہلاک ہو گئے ہیں۔ اس لڑائی میں پاکستان کے دو فوجی بھی جاں بحق ہوئے ہیں۔ جاں بحق ہونے والوں میں ایک لیفٹیننٹ کرنل بھی شامل ہیں۔ واضح رہے کہ گزشتہ دنوں آرمی چیف جنرل راحیل شریف نے شوال کو دہشت گردوں سے کلیئر کرانے کے لیے زمینی کارروائی کی منظوری دی تھی اور علاقے میں مقاصد کے جلد حصول کی بھی ہدایت کی تھی۔